APEC PetroTechnic жоғары колледжіне Сафи Өтебаев атындағы Атырау мұнай және газ университетінің доценті, саясаттанушы Болат Нығметов келді, деп хабарлайды ATPress.kz.
Саясаттанушының колледж студенттерімен және оқытушыларымен кездесуі кезінде Мемлекет басшысы Қасым-Жомарт Тоқаев ұсынған реформалар, сондай-ақ, алда өтетін жалпыхалықтық референдумға қатысудың маңыздылығы талқыланды.
- Біз жаңа Қазақстанды қалыптастыру жолындамыз. Мемлекет басшысы еліміздің болашағы үшін маңызды шешім қабылдады. Қазір әрбір қазақстандыққа алдағы референдумның маңыздылығы туралы ақпаратты жеткізу маңызды, – деді Болат Нығметов.
Колледж студенттері Президент Қасым-Жомарт Тоқаевтың Қазақстан Конституциясына өзгерістер мен толықтырулар енгізу жөніндегі республикалық референдум өткізу туралы бастамасына қолдау білдіріп, жастарды 5 маусымда өтетін референдумға белсенді қатысуға шақырды.
