Құлсарыдағы атысқа қатысты полиция түсінік берді (+ВИДЕО)

Орын алған оқиғаға орай Атырау облыстық полиция департаменті түсінік берді.

Баспасөз қызметі хабарлағандай, 20 мамырда сағат 23:40 шамасында Жылой аудандық полиция бөлімінің кезекшілік бөліміне белгісіз біреу «Иранбак» дәмханасының алдында өзара дауласып жатқан жасөспірімдер жайлы хабарлаған.

Аталған дерек бойынша бірнеше жасөспірім полиция бөліміне жеткізіліп, олардың ата-аналарына әкімшілік хаттама толтырылды.

Айта кетейік, WhatsApp желісінде Құлсары қаласындағы атыс туралы видео тараған болатын. Онда топтасып төбелескен жасөспірімдердің дауыстары мен атылған оққа ұқсас дыбыстар естіледі.

Амандық САҒЫНТАЙҰЛЫ