ШҰҒЫЛ: Атырау әуежайында полицияға зорлық көрсеткен азамат ұсталды
Атырау әуежайында полицейге қатысты зорлық-зомбылық қолданғаны үшін 25 жастағы ер адам ұсталды.
Бұл туралы көліктегі полиция департаментінің бастығы Оңалбек Бекиев айтты. О.Бекиевтің айтуынша, Атырау станциясындағы Желілік полиция бөлімі Көкшетау қаласының 25 жастағы тұрғынына қатысты билік өкіліне қатысты зорлық-зомбылық қолдану фактісі бойынша сотқа дейінгі тергеуді бастады, ол «Атырау – Нұр-сұлтан» бағытындағы рейс бортында мас күйінде болған және өзін дұрыс ұстамаған. «Құқық бұзушы билік өкілінің заңды талаптарын орындаудан бас тартып, бағынбады, нәтижесінде полиция қызметкерінің нысанды киімін жыртып, оған дене жарақатын салды», – деп атап өтті полиция генерал-майоры. «Аталған факт ҚР ҚК 380 – бабының 1-бөлігі (билік өкіліне қатысты зорлық-зомбылық қолдану) бойынша сотқа дейінгі тергеп-тексерудің бірыңғай тізілімінде тіркелді», – деп түйіндеді О.Бекиев. «Күдікті уақытша ұстау изоляторына қамалды. Тергеу жүріп жатыр», – деді ол. Көліктегі полиция департаментінің баспасөз қызметі
