Әлеуметтік желіде «Аралтұз» өнімінің құрамында қауіпті ұнтақ бар екендігі туралы бейнежазба тарады. Төмендегі бейнежазбада көрсетілгендей, аталмыш жағдай Атырау облысында да анықталды.
Оқиғаның рас я өтірігіне көз жеткізу үшін бізде әртүрлі дүкеннен 3 сынама алып, тексеріп көрдік. Тексерген 3 сынаманың барлығынан күмәнді ұнтақ табылды. Демек бейнежазба, шынайы.
Табылған ұнтақтың не екенін білу үшін зертханаға жүгіндіктік.
«Тексеру барысында «Аралтұз» АҚ-ның өндіретін өнімінен 8 тұз сынамасы алынып, 5-нен сәйкессіздік анықталды, яғни йод құрамы қалыпқа сай болмады. Адам денсаулығына қауіп төндіретін күмәнді қоспалар анықталған жоқ» – депті Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі.
Осы кемшіліктер орын алғандықтан ҚР «Әкімшілік құқық бұзушылық туралы» Кодекісінің 462 бабының 3 тармағы бойынша хаттама толтырылып, нәтижесінде заңды тұлғаға 883 750 теңге көлемінде айыппұл салынды.