АЯЛДАМАДА БІРНЕШЕУІ БІР АДАМДЫ СОҚҚЫҒА ЖЫҚТЫ (+видео)
Әлеуметтік желіде аялдамада ер адамды ұрып-соғып жатқан сәт түсірілген видео тарады.
Бұл жөнінде Stan.kz ақпарат агенттігі мәлім етті.
«Тимирязев аялдамасы. Бірнеше ер адам бір адамды соққыға жықты» деп жазады желі қолданушы.
Өз кезегінде қалалық полиция оқиғаның мән-жайын түсіндірді.
«Видеоға әккі ұрыны ұстау кезі түсіп қалған. Ер адам Алматы аумағында үш ұрлық және бір тонау жасады деген күдікке ілінді. Ол- 1989 жылы туған Тараз қаласының тұрғыны. Бұған дейін ол ұрлық жасағаны үшін бірнеше рет сотты болған», – деп хабарлады Алматы қалалық полиция департаментінен.
Ведомствоның мәліметінше, ұстау кезінде күдікті полиция қызметкерлеріне қарсылық көрсетіп, тәртіп сақшыларының бірін пышақпен жаралады.
Аталған дерек сотқа дейінгі тергеп-тексерудің бірыңғай тізіліміне тіркелді. Күдікті ұсталды.
