Таразда алаңда тұрған жаңа жылдық шырша тұрғындардың көзінше өртеніп кетті, деп хабарлайды Stan.kz ақпарат агенттігі.
Шыршаның өртке оранған видеосы әлеуметтік желілерде лезде тарады.
Оқиға жайлы Жамбыл облысы Төтенше жағдайлар департаменті пікір білдірді.
«2022 жылдың 1 қаңтарында сағат 00:06-да Тараз қаласындағы Арбат алаңында 15 шаршы метр аумақта жасанды жаңа жылдық шырша өртенді. Өрт сағат 00:15-те оқшауланып, сөндірілді. 00:20. Зардап шеккендер жоқ. Өрттің шығу себебі анықталуда. Өртті сөндіруге ТЖД 14 қызметкері мен төрт техникасы жұмылдырылды», – делінген ТЖД хабарламасында.
