Әлеуметтік желілерде азық-түлік дүкендері мен базарлары жабылып қалады деген жалған ақпаратқа сеніп, қаладағы бір супермаркетте толып жиналған халықтың видеосы тарады.
«Жедел штаб жергілікті тұрғындарды сауда нысандарында дүрбелең туғызбауға шақырды», – деп хабарлайды Атырау облысының Өңірлік коммуникациялар қызметі.
– Азық-түлік дүкендері мен супермаркеттер сағат 9.00-ден 20.00-ге дейін, ал, азық-түлік базарлары 10.00-ден 18.00-ге дейін жұмыс істейді, – деп түсіндірді Атырау облысының Төтенше жағдай режимін қамтамасыз ету жөніндегі жедел штабы.
