«Жасыл» аймақтағы Атырау облысында коронавирус инфекциясын жұқтырғандар саны күрт төмендеді.
Облыстық денсаулық сақтау басқармасының баспасөз қызметінен мәлім еткендей, 25 қазанда қауіпті вирус белгісі 10 адамнан анықталған. Оның ішінде Атырау қаласында – 2, Теңіз кен орнында – 5, Құрманғазы, Мақат және Махамбет аудандарында бір-бірден науқас бар. «Қазір үй жағдайында 219, инфекциялық стационарларда 203 науқас оқшауланған. Оның ішінде модульді ауруханада – 99, Теңіз кен орнындағы стационарда – 65, аудандардағы инфекциялық стационарларда 33, №2 облыстық ауруханада 6 пациент емделіп жатыр» -деп хабарлады басқарманың баспасөз қызметі.
