Алғашқы шетелдік көлік тіркеуден өтті

Қазақстанда шетелдік нөмірмен келген алғашқы автокөлік тіркеуден өтті. Алматыдағы мамандандырылған халыққа қызмет көрсету орталығында 37 жастағы Алматы тұрғынына сары түсті жаңа үлгідегі мемлекеттік нөмер берілді. Көлік иесінің айтуынша, ол әзірге қажетті соманың бір бөлігін ғана төлеген. Қалған 900 мың теңгені жыл бойына ай сайын бөліп төлейді. Мұндай төлем реті заң бойынша рұқсат етіледі.