Қазақстанның атақты актері өзге ұлттың қызына үйленді

Отандық кино саласында жүрген бойдақ актерлердің қатары бір санға азайды. «Зәуре», «Он и Она», «Кенже» атты фильмдер арқылы танылған Жандос Айбасов отбасын құрды.

Бұл жаңалықты алғашқылардың бірі болып актердің өнердегі әріптесі Ерден Телемісов әлеуметтік желідегі парақшасында жариялады. Жандостың таңдауы Марина есімді бұрымдыға түсті. Беташар рәсіміндегі суреттермен бөліскен өнер өкілдері жас жұбайларды құттықтап, қуанышымен ортақтасты.

Актер әрі каскадер Жандос Айбасов жанкүйерлерінен сүйіктісін жасырған емес. Олардың 5 жылға жалғасқан махаббат хикаясы отбасылық өмірге ұласты.