15 жастағы баланың 38 мың теңгесін тартып алды (+ВИДЕО)
Атырауда 15 жастағы баланың 38 мың теңгесін тонаған ұры ұсталды.
21 қыркүйек күні сағат 15:30 шамасында кәмелеттік жасқа толмаған баладан бейтаныс біреу қалтасындағы қаражатты көріп ашық түрде тонап, белгісіз бағытқа қашып кеткен. Қылмыстық құқық бұзушылық салдарынан жәбірленушіге 38.000 теңге көлемінде материалдық шығын келтірілген.
Аталған оқиға жасөспірімнің Атырау қаласындағы тез дайындалатын тағам сататын дүңгіршектен тағам алып жатқан уақытта орын алған. Ақшасы ұрланған жәбірленушінің әкесі бірден 102 операторына телефон шалып, болған оқиға жөнінде шағым түсірді.
– Аталған тонау фактісі бойынша Қазақстан Республикасының Қылмыстық кодексінің 191-бабы 1- бөлімімен 21.09.2021 қылмыстық іс тіркеліп, жедел іздестіру іс-шарасы барысында бірнеше мәрте қарақшылық, тонау және ұрлық қылмыстық құқық бұзушылықтары бойынша қылмыстық жауапкершілікке тартылған Атырау қаласының 25 жастағы тұрғыны анықталып, ұсталды. Айғақ зат ретінде құқық бұзушылық жасаған уақытта киген киім-кешегі тәркіленіп уақытша ұстау изоляторына қамауға алынды.
