Атыраулық полицейлер Құлсары қаласының 31 жастағы тұрғынан 600 келіге жуық бекіре тұқымдас балығын тәркіледі.
– 2021 жылдың 23-ші маусым күні Атырау облысы ПД-нің Криминалдық полиция басқармасына 31 жастағы Жылыой ауданы Құлсары қаласының тұрғыны бекіре тұқымдас балықтарын өз үйіне сақтап және сатып жүргені туралы ақпарат түскен. Полицейлер жедел іс-шара жүргізіп, тұрғынның мекен-жайы бойынша тінту жүргізілді. Нәтижесінде күдіктінің үйінің ауласында орналасқан сарай ішіндегі тоңазытқыштан жалпы салмағы 576 келі болатын 169 дана бекіре тұқымдас балықтар табылды – деді Атырау облысы полиция департаментінің бастығы полиция полковнигі Қамза Үмбетқалиев.
Аталған факті бойынша Жылыой аудандық полиция бөлімімен ҚР ҚК-нің 339 бабы 1 бөлігімен сотқа дейінгі тергеу амалдары жүргізілуде.
Мейірім ЕРДӘУЛЕТ,
Атырау облыстық ПД бөлім басшысы