Атырауда мас күйінде көлік жүргізген 15 адам жазаланды

2020 жылдың басында  мас күйінде көлік жүргізгендер туралы заңға өзгерістер енген. Жыл басынан 15 адамға қатысты сот үкімі шықты. Бұл сан әлі де өсіп жатыр.

«Бұрын көлікті мас күйінде жүргізгендер 3 жылға көлік жүргізу құқығынан айырылған. Заңдағы соңғы өзгерістер бойынша 15 күнге қамалып, 7 жыл көлік жүргізу құқығынан айырылады» – депті Атырау облыстық сотының азаматтық істер жөніндегі сот алқасының төрағасы  Комиршинов Манат Ғалымұлы.

Ескеріңіз, мас күйінде көлік жүргізсеңіз, 15 күнге қамалып, 7 жыл көлік жүргізе алмайсыз.