Соңғы уақытта автокөліктегі өрт оқиғасы көбейіп келеді. Жыл сайын елімізде 2 мыңнан аса автокөлік құралдары жанады, бұл жалпы өрттердің 20 % құрайды екен. Ал, Атырау облысы бойынша 2019 жылы – 84 көлік өртенсе, 2020 жылдың басынан 16 оқиға тіркеліп, соңғы екі аптада 9 автокөліктегі өрт оқиғасы орын алған. Өрттің шығу себептері әртүрлі. Бірінде газ шамадан тыс толтырылса, екіншісінің электросымдары тұйықталып өрт шығады немесе т.б. себептер.
Енді автокөліктегі өртті болдырмау үшін қандай шараларды жасауымыз керек:
- Өрт сөндіргіш ұнтақты, көмір қышқылды, 2 литр (және көп) көлігіңіздің қолжетімді жерінде сақтаңыз;
- Электросымдарын істен шығармай, техбайқаудан тұрақты өтіп тұру қажет;
- Жүрілген автокөліктерді сатып алғанда, электросымдарын толық тексеріңіз – depti Атырау облысы ТЖД баспасөз қызметі.
Айта кету керек, өрт шыққан жағдайда бірден хабарлап, тыныс алу мүшелерін матамен жауып, эвокуациядан кейін автокөліктен барынша алыстаңыз, өйткені бак жарылуы мүмкін.
