ОБЛЫСТЫҚ ПЕРЗЕНТХАНАДАН КОРОНАВИРУС БЕЛГІСІ БАР СОҢҒЫ НАУҚАС ШЫҚТЫ

Бүгін Атырау облыстық перинаталдық орталықтан СOVID-19 симптомымен босанған ана емделіп, үйіне шығарылды, – деп хабарлайды Атырау облыстық денсаулық сақтау басқармасының баспасөз қызметі.
Қазіргі уақытта аталған орталықтың провизорлық стационары бос тұр.
«Негізінен 50 орындыққа ыңғайланған провизорлық стационар маусым-шілде айларында бос болмады. Соңғы айда жағдай жақсарып келеді. Короновирус симптомымен түсіп жатқан жүкті әйелдер жоқ. Дегенмен, босаңсуға болмайды. Алда көптеген вирустың өршитін күз-қыс мезгілі келе жатыр. Сондықтан, әлі де санитарлық ережелерді қатаң сақтау керек» – depti облыстық перинаталдық орталық директорының емдеу ісі жөніндегі орынбасары Қазбек Ермағамбетов.

Айта кетелік, 9 қыркүйек күнгі мәлімет бойынша, Атырау облыстық перинаталдық орталығына 153 әйел түскен. Оның 87 –ісі босанған әйелдер.