12 жасар баланың маникюр жасағаны елді таңқалдырды

Екібастұз қаласының 12 жастағы тұрғыны Арулат Мұхаметқали сұлулық саласына жастайынан көңіл аударған. Жеткіншек шебер түрде маникюр жасап, тырнақ дизайнымен айналысады екен. Ал жұмысынан жиналған ақшаны ол інісінің еміне жұмсамақшы. Тырнақ шеберінің Бекарыс есімді інісі төрт жыл бұрын үшінші қабаттан құлап кетіпті. Қатты жарақат алған. Оған тек шетелдегі емханалар көмектесе алады екен. Бірақ ол жаққа баруға бес баласы бар отбасының жағдайы жоқ көрінеді.