20 түйенің неден қырылғаны белгілі болды

Маңғыстау облысының Түпқараған ауданында Каспий теңізінің жағасында 20 түйенің өлексесі табылған болатын.

Бұл туралы облыс әкімдігінің баспасөз қызметі хабарлаған еді.

Мамандар жануарлардың ерте көктемде суға кеткенін алға тартып отыр.

– Қатты дауылдан жануарлардың өлексесі жағаға шығып қалған. Қазіргі уақытта облыс әкімдігі, облыстық Төтенше жағдайлар департаменті және облыстық ветеринарлық станция түйелердің өлексесін жою бойынша жұмыстар жүргізуде, – делінген мәлімдемеде.