ШҰҒЫЛ: Жамбылда әскери гарнизон офицері өзін атып, хат қалдырды

97418

Жамбыл облысындағы Гвардейск гарнизонында әскери бөлімнің офицері өзіне қол салды.

Бұл туралы Stan.kz мәлім етті. 

Желіде өзіне қол салған азаматтың Отар артиллериялық бригадасының аға лейтенанты Омаров Жандос Ербағанұлы екені айтылған. Ақпарат бойынша, ол жүрегіне оқ атқан. Оқиғаны Қорғаныс министрлігі растады.

«Биыл 22 қарашада Гвардейск гарнизонындағы әскери бөлімнің офицері А. өзіне қол салды. Көз жұмған жігіттің өлер алдында жазған хаты табылды. Қазіргі уақытта аталған факті бойынша тергеу жүргізіліп жатыр. Тергеу мүддесі мен туыстарының өтінішіне қарай өзге ақпарат жарияланбайды», – деді ҚР Қорғаныс министрлігінің баспасөз қызметінен.

Сондай-ақ, оның өлер алдындағы хаты табылған. 

«Мен көп ауырғанмын. Өкпем ауырған, қолым сынған, ит қапқан. Бәрінен кешірім сұраймын! Ешкімге масыл болғым келмейді. Ешкімнің мен үшін қиналғанын қаламаймын. Ешкімге өкпем жоқ, ешкімді кінәламаймын», – делінген хатта. 

Бізді әлеуметтік желілерде бөлісіңіз:

Пікір үстеу

Э-пошта мекенжайыңыз жарияланбайды. Міндетті өрістер * таңбаланған