АТЫРАУ ОБЛЫСТЫҚ ПЕРИНАТАЛДЫҚ ОРТАЛЫҚТЫҢ ПРОВИЗОРЫНДА ЖАТҚАН ПАЦИЕНТКЕ ЕКІ ОТА ЖАСАЛДЫ

Бізді әлеуметтік желілерде бөлісіңіз:

Бүгін COVID-19-ды жұқтырған адаммен жақын байланыста болған жүкті әйелге екі ота жасалды — деп хабарлайды Атырау облысы Денсаулық сақтау басқармасының баспасөз қызметі.

33 жастағы науқас Атырау облыстық перинаталдық орталығында қосалқы ауруымен жүктіліктің 37 аптасында жедел-жәрдеммен жеткізілген. Әйелдің денсаулық жағдайына байланысты  ақ халаттылар жоспарлы түрде  алдымен кесарь тілігі арқылы босандырып алды. Содан соң екінші бригада  жатыр мойының қатерлі ісігіне ота жасады. Атырау облыстық перинаталдық орталығының анестезиолог-реаниматолог, акушер-гинеколог пен Атырау облыстық онкологиялық диспансерінің онкогинеколог мамандарының бірлесе жасаған ота 2 сағатқа созылды. 

«Әйел перинаталдық орталыққа жүктіліктің 37 аптасында түсті. Пациент салмағы 2,630 келі бойы-49 см қыз баланы дүниеге әкелді. Нәресте мен анасының жағдайы қанағаттанарлық. Отадан кейінгі қарқынды ем қабылдауда. Сәби паталогиялық нәрестелер бөлімшесіне ауыстырылды.»- дейді, Атырау облыстық перинаталдық орталығы директорының міндетін атқарушысы Асқар Кенжеғалиев.

Айта кету қажет, Атырау облыстық перинаталдық орталығының арнайы әзірленген провизорлық бөлімшеcінде 8 жүкті әйелге медициналық көмек көрсетілуде.

Добавить комментарий

Ваш адрес email не будет опубликован. Обязательные поля помечены *

Просмотров: