Атырауда сары түтіннің себебі анықталды (+ВИДЕО)

Бүгін, 7 сәуір күні «Depti.kz» сайтының редакциясына Жылыой ауданының тұрғындарынан сары қою түтін шығып жатқаны жөніндегі бейнежазбалар түсті, деп хабарлайды «Depti.kz» тілшісі.

Осыған орай, біз дереу Атырау облысы бойынша экология департаментінің баспасөз хатшысы Эльнара Оралқызына хабарласып, мәселенің мән-жайын сұрастырдық…

• – 2021 жылғы 7 сәуір сағат 15: 20-да «КТЛ» зауыты КТЖ-2-нің 4-жолындағы «С511» қондырғысының жұмысы автоматты бұғаттағыш іске қосылғандықтан тоқтап қалған, – дейді ол. – Салдарынан ластаушы заттар (сары түтін) түтін мұржасы арқылы қоршаған ортаға шығарылған.

• «Теңізшевройл» ЖШС-імен автоматты бұғаттағыштың іске қосылу себептері анықталуда. Аталған департаменттен жоғарыда көрсетілген деректерге қатысты «ТШО»-ға жоспардан тыс тексеру тағайындау мәселесі қарастырылуда. Департаменттегілер соған сендірді.

Қабылданған шаралар туралы қосымша хабарланбақ.

Амандық САҒЫНТАЙҰЛЫ