АТЫРАУДА

Атырауда жұмыспен қамту басқармасына жаңа басшы тағайындалды

ЖҰМЫСПЕН ҚАМТУДЫ ҮЙЛЕСТІРУ ЖӘНЕ ӘЛЕУМЕТТІК БАҒДАРЛАМАЛАР БАСҚАРМАСЫНА ЖАҢА БАСШЫ ТАҒАЙЫНДАЛДЫ.

«Атырау облысы әкімі Махамбет Досмұхамбетовтің Өкімімен Азамат Саматұлы Мәмбетов ішкі конкурстың нәтижесінде облыстық Жұмыспен қамтуды үйлестіру және әлеуметтік бағдарламалар басқармасының басшысы болып тағайындалды», – деп хабарлайды Атырау облыстық коммуникациялар қызметі.Жұмыспен қамтуды үйлестіру және әлеуметтік бағдарламалар басқармасының жаңа басшысын ұжымына облыс әкімінің бірінші орынбасары Серік Айдарбеков таныстырып, жұмысына табыс тіледі.  

Азамат Мәмбетов 1986 жылы Ақтөбе облысында туған. Білімі жоғары: Қазақ гуманитарлық заң университетін заңгер, Қ.Жұбанов атындағы Ақтөбе мемлекеттік университетін экономист мамандығы бойынша бітірген. 
Еңбек жолын 2006 жылы Ақтөбе қаласы әкімі аппараты жанындағы «Ақтөбе-Геозем» мекемесінде кадр жөніндегі бас маман болып бастап, 2010-2011 жылдары Атырау облыстық Денсаулық сақтау басқармасының әкімшілік-құқықтық және кадр бөлімінде кадр ісі жөніндегі бас маман болып жұмыс істеген.

2011-2013 жылдары аталған басқарманың Стратегиялық және бағдарламалардың құжаттар мониторингісі жөніндегі бөлімінде заңгер, 2013-2019 жылдары осы ұжымда түрлі бағыт бойынша бөлім басшысы болып еңбек еткен.

2019 жылдан күні бүгінге дейін облыстық Жұмыспен қамтуды үйлестіру және әлеуметтік бағдарламалар басқармасы басшысының орынбасары лауазымында болды.

Тақырып бойынша мақалалар

Back to top button