«Рухани қазына-2021» фестивалінің Бас жүлдесі — Атырауда!
Атырау облыстық халық шығармашылығы орталығы дәстүрлі «Рухани қазына—2021» фестивалінде бас жүлдені иеленді.
Бұл іс-шара мәдениет және спорт министрілігінің ұйымдастыруымен биыл төртінші рет өткізілді.
⠀
Мәдениет және өнер саласы ұйымдары мен қызметкерлері арасында өткізілетін «Рухани қазына» фестивалінің басты мақсаттарының бірі – өзіндік ерекшелігі бар шығармашылық ұжымдар мен орындаушыларды қолдау.
⠀
Ұлттық және әлемдік мәдениет пен өнердің ең жақсы дәстүрлері мен жетістіктерін жаңғыртуды, дамытуды, насихаттауды көздейтін бұл фестиваль аясында арнайы конкурс негізінде әр сала мен бағыт бойынша ел үздіктері де анықталды.
⠀
Үміткерлер халықтың мәдени демалысы мен эстетикалық тәрбиесін, рухани және мәдени құндылықтармен алмасуын ұйымдастыру һәм шығармашылық қызметтің түрлі салаларындағы жетістіктер бойынша бағаланды.
⠀
«Үздік облыстық мәдени ойын-сауық кешені» аталымы бойынша бақ сынаған орталығымыз облыстық және республикалық кезеңдерден сүрінбей өтіп, жеңімпаз атанды.
