Атырауда жұмыссыздар 14 мыңға жетті

Облыстағы жұмыссыздардың саны 14 мыңға жетті, деп хабарлайды Depti.kz тілшісі caspianlife.kz-ке сілтеме жасап.

Пандемия басталмастан бұрын Атырау облыстық жұмыспен қамтуды үйлестіру және әлеуметтік бағдарламалар басқармасында жұмыссыз ретінде тіркелгендер саны 9000 болатын. Мамандар мұндай өсімге ірі мұнай компанияларындағы шектеулер әсер етті дейді.

Басқармадағылар Теңіз кен орнындағы компаниялар өз қызметкерлерін қайта шақырса, жұмыссыздық деңгейі төмендейді деген үмітте.

Мамандар биылдың өзінде 10 мыңдай жаңа жұмыс орны ашылғанын бірақ оның 90 пайызы маусымдық екенін айтады. Бір қуантарлығы  — соңғы кездері жеке компаниялар  жергілікті мамандарды тартуға мүдделі көрінеді.