Діни материал таратқан атыраулықтардың әлеуметтік парақшасы бұғатталды

Атырау облыстық полиция департаментінің бөлім басшысы Мейірім Ердәулеттен білгеніміздей, Атырауда жыл басынан бері осындай 35 дерек тіркеліп отыр.

Мәселен, жергілікті азаматша дәстүрлі емес діни ағым сипатындағы суреттер мен бейнежазбаларды орналастырып отырғаны анықталды. Арнайы тексеріс жүргізіліп, ҚР ӘҚК-нің 453-бабы 2-бөлігі бойынша жауапқа тартылды. Нәтижесінде, айыпталушы 38 892 теңге айыппұл арқалады.

Тағы екі тұрғын «ВКонтакте» желісінде діни әдебиеттерді таратумен айналысқан. Оларға 92 785 теңге көлемінде айыппұл салынды. Сондай-ақ, үш айға «ВКонтакте» парақшалары бұғатталды.

Амандық САҒЫНТАЙҰЛЫ