Алматыда пойыз бен жеңіл көлік соқтығысты (+ФОТО)

ekekengekn

Алматы облысында жүк пойызы мен автокөліктің соқтығысуынан үш адам зардап шекті, деп хабарлайды Sputnik Қазақстан

Оқиға 10 сәуірде Қапшағай қаласында тіркелген. Жүк пойызы мен BMW көлігінің соқтығысуы теміржол өткелінде болды. Салдарынан түрлі дене жарақатын алған үш адам қалалық ауруханаға жатқызылды.

enknknk

«Теміржол өткелінде тыйым салынған бағдаршам белгісіне бағынбаған 33 жастағы жүргізушінің басқаруындағы BMW көлігі жүк пойызымен соқтығысты. Жылжымалы құрам 39 минуттан кейін сапарын жалғастырды», – деп хабарлады Алматы облысы полиция департаментінің баспасөз қызметі.

Ал денсаулық сақтау басқармасы зардап шеккен 1984 және 1979 жылы туған екі азаматтың жағдайы ауыр болғандықтан, жансақтау бөлімінде жатқызылғанын атап өтті. Үшінші пациенттің жағдайы орташа асқыну дәрежесінде екенін мәлімдеді.

Осы оқиғаға байланысты Қылмыстық кодекстің 345-бабы, 2-бөлімі бойынша сотқа дейінгі тергеу басталды.

rngekneknk
Бізді әлеуметтік желілерде бөлісіңіз: