Алматыдағы тергеу изоляторынан тұтқын қашып кетті. Оны полиция іздеп жатыр, деп хабарлайды Stan.kz ақпарат агенттігі.
Ақпарат әлеуметтік желілерде 17 ақпанда таңертең пайда болды. Онда сотталушының 15 ақпанда қашып кеткені айтылған. Сол күні сағат 15:00-ден 17:00-ге дейін ол қоғамдық қорғаушымен кездесті. Кездесуден кейін ол дәретханаға баруды сұрады, содан кейін кездесу бөлмесіне тығылған. Сағат 20:30 шамасында ол әкімшілік ғимараттың акт залына кіріп, сол жерде апаттық шығу есігінің темір құлпын сындырып, 1,5 метрлік “мекеменің әкімшілік ғимаратына қарама-қарсы орналасқан негізгі қоршауға жатпайтын” қоршаудан секіріп қашып кеткен.
Оның қашып кеткені келесі күні белгілі болды. ІІМ Қылмыстық-атқару жүйесі комитеті ақпаратты растады.
“Осы факті бойынша Алматы полиция департаменті ҚР ҚК 426-бабы (бас бостандығынан айыру орындарынан, қамаудан немесе күзеттен қашу) бойынша сотқа дейінгі тергеуді бастады, жедел-іздестіру іс-шараларын жүргізуде. Оқиғаның себептері мен мән-жайларын анықтау үшін ҚАЖ комитеті басшылығының бастамасымен қызметтік тексеру тағайындалды, оның нәтижелері бойынша лауазымды адамдарға қатысты тиісті шаралар қабылданады”, – деп хабарлады ведомствода.
