Сайлау-2021

2021 жылғы ауылдық округ әкімдерін сайлау науқанына Исатай ауданының орталығы Аққыстау ауылдық округінің тұрғындары да қатысады, деп хабарлайды Атырау облысының өңірлік коммуникациялар қызметі.

Саяси додаға үш үміткер түсіп отыр. Бұл науқанға орай аудан орталығынан 6 сайлау уческесі ашылған. Атап айтсақ, Аққыстау, Өркен және Абай атындағы орта мектептер мен Томан елді мекеніндегі бастауыш мектеп ғимараттарында орналасқан.

Аудандық аумақтық сайлау комиссиясының төрағасы Сәбит Меңдібаевтың мәліметінше, 6 269 адам дауыс беру құқына ие.

– Сайлаушылар арасында 54 адам алғаш рет дауыс беретіндер. Сайлау учаскелері ашылғаннан бастап 1 540 адам дауыс берді, бұл сайлаушылардың жалпы санының 25% құрайды, – деді Сәбит Меңдібаев.

Ауыл әкімдерін сайлау науқанына қатысатын сайлаушылар арасында Қызылқоға ауылдық округі тұрғындары да бар, деп хабарлайды Атырау облысының өңірлік коммуникациялар қызметі.

Мұндағы №153 сайлау уческесі «Қарабау» орта мектебі ғимаратында орналасқан. Аудандық аумақтық сайлау комиссиясының төрағасы Мақсот Мұқановтың айтуынша, учаскелік бөлініс бойынша дауыс беруге құқылы азаматтар арасында 853 сайлаушы бар. Оның ішінде 8 адам сайлау науқанында алғаш рет дауыс бермек.

Денсаулығына немесе науқасты күтуіне байланысты учаскеге келе алмайтын тұрғындар үшін арнайы жағдай жасақталған, деп хабарлайды Атырау облысының өңірлік коммуникациялар қызметі.

Бұл туралы Атырау облыстық аумақтық сайлау комиссиясының төрағасы Азамат Айманакумов онлайн брифингте айтты.

«Салмақты себептермен сайлауға аяқтай келіп қатыса алмайтын тұрғындар сағат 12:00-ге дейін өтініш беруі керек. Содан кейін олардың тұрғылықты мекен-жайларына жылжымал жәшіктерді апару ұйымдастырылады. Сондай-ақ, шалғайда орналасқан 12 елдімекен үшін де осындай жағдай қарастырылған. Сондай-ақ, учаскеге келіп тұрып дене қызуы жоғары болған сайлаушыларға да арнайы дауыс беретін бөлек орын қарастырылған» деді комиссия төрағасы.

Қайыршақты ауылдық округі, Томарлы ауылындағы Мәдениет үйінің ғимаратында орналасқан №267 сайлау учаскесіне дауыс беруге келгендердің бірі – Томарлы ауылындағы Фарит Аманғалиев көшесінің тұрғыны, мұнай саласының қызметкері Қайрат Бектенов, деп хабарлайды Атырау облысының өңірлік коммуникациялар қызметі.

– Жергілікті әкімдерді сайлау – халықтың тұрмысы мен тағдырына әсер ететін нағыз әлеуметтік мәселе. ​ Билік халыққа барынша жақын болуы керек деп есептеймін. Мемлекет ұстанатын саясат та осыған саяды. Олай дейтініміз, елдің саяси реформалары ашықтыққа, билік пен халық арасындағы диалогтың жақсара түсуіне бағытталғанын байқап жүрміз. Ал, жаңартылған заңға​ сәйкес сайлау кезіндегі бюллетеньдерге «барлығына қарсымын» деген бағанды қосу және биыл өтіп ​ отырған ауыл әкімдерін тікелей сайлау жөніндегі нормалардың енгізілуі көптің көңіліне зор сенім ұялатқандай өте дұрыс бастама болды деп ойлаймын.

Меніңше, сайлаудың көп болғаны дұрыс. Сонда таңдау да көп болады. Ал тағайындалғаннан гөрі сайланған әкімдердің көп нәрсеге көзқарасы басқаша болады. Халық өзі таңдағаннан кейін әкімдердің сайлауға дейінгі көпшілікке берген уәдесі мен арнайы бағдарламасын орындауға ықтималдылығы артады, сол ауыл тұрғындарына тікелей жұмыс істейді.​ Бұған дейін аудандық мәслихат сайлайтындықтан, ауыл әкімдері атқарған жұмыстарын мәслихат пен аудан басшылығы алдында көбірек есеп беруге мәжбүр болатын. Енді халық өзі сайлаған әкімінен барлық мәселені сұрай алады, талап ете алады. Ең бастысы, ауыл әкімдері ұйқысынан оянып, жоғары жақтан гөрі төменге көбірек қарайтын болады. Халықтың талабы мен әкімнің жауапкершілігі күшейеді деген ойдамын, – дейді сайлаушы.

Атырауда ауыл әкімдерінің сайлауында қоғамдық тәртіпті сақтау үшін 800-ге жуық полицей жұмылдырылды, деп хабарлайды Атырау облысының өңірлік коммуникациялар қызметі.

Бұл туралы онлайн брифинг барысында Атырау облысы бойынша Полиция департаменті бастығының бірінші орынбасары Берік Амангелді мәлімдеді, деп хабарлайды Атырау облысының өңірлік коммуникациялар қызметі.

– Сайлауда қоғамдық тәртіптің сақталуын қамтамасыз ету – өте маңызды. Сондықтан қосымша жедел тергеу топтары құрылды. Оның құрамына прокуратура қызметкерлері де бар. Учаскелердің бәрінде қауіпсіздік деңгейі тексерілді. Бюллетеньдерді жеткізу барысында полиция бірге ілесіп жүреді. Қазір жағдай тұрақты. Қоғамдық тәртіп бұзу дерегі орын алмады, – деді Берік Амангелдіұлы.

Сайлау комиссиялары ұсынған деректерге сәйкес, 2021 жылғы 25 шілдедегі сағат 09:00-дегі жағдай бойынша сайлау бюллетеньдерін тізімге енгізілген сайлаушылардың жалпы санының 19,6 пайызы алды, деп хабарлайды Атырау облысының өңірлік коммуникациялар қызметі.

Олардың ішінде: 

Атырау қаласында  – 15,1%

Жылыой ауданында – 21,5% 

Индер ауданында – 22,4% 

Исатай ауданында – 24,6% 

Құрманғазы ауданында – 20,3% 

Қызылқоға ауданында – 25,2% 

Махамбет ауданында – 20,4%

Қайыршақты ауылдық округіне қарасты Томарлы ауылының мәдениет үйінде орналасқан №267 сайлау учаскесінде бір сағат ішінде 20 адам дауыс берді, деп хабарлайды Атырау облысының өңірлік коммуникациялар қызметі.

«Мен сайлауға шақырту алдым, – дейді Жалғас есімді тұрғын. – Негізінен мен дауыс беруді жоспарлаған едім, бірақ шақыру маған ерте келуіме түрткі болды. Бүгін мен өз таңдауымды жасадым және әділ нәтижеге сенемін».  

№267 сайлау учаскесінің хатшысы Нұрсұлтан Маратовтың айтуынша, адамдар дауыс беруге жақсы көңіл-күймен бара жатыр.

«Барлығы 2986 сайлаушыны тіркедік. Түскі уақытқа қарай белсенділік артады деп ойлаймыз» дейді ол.  

Тағы бір Айжан атты сайлаушы өз дауысын Томарлының одан әрі өсіп-өркендеуіне дауыс бергенін айтты.

Талғайраң мектебінің ғимаратында орналасқан №77 сайлау учаскесіне ертемен келіп өз таңдауын жасаған алғашқы сайлаушының бірі – Талғайраң ауылының тұрғыны Сапарбай Досжанов, деп хабарлайды Атырау облысының өңірлік коммуникациялар қызметі.

– Бұл сайлау бұрынғыдан өзгеше өтуде. Сол үшін учаскеге ерте келіп, дауыс бердім. Себебі халық таңдаған әкімін өзі сайлай алады. Демек, әкімге артылар салмақтың да жүгі ауыр болады деген сөз. Мұны науқандық бастама ретінде ғана қарауға болмайды, үлкен жауапкершілік, мыңдаған халықтың сеніміне селкеу түспеуі керек. Әр партия өздері ұсынған үміткердің партияның ғана емес, елдің аманатын арқалайтындығын жіті назарда ұстауын ескеруі керек.

Сайланған әкім қабілет-қарымының жеткенінше жұмыс жасап, елмен бірге қызмет қылғаны дұрыс. Оның үстіне, ауылдың тынысы ашылып, өз бюджетіне өздері иелік ете алатын кезде мұның бәрін естен шығармаулары керек. Өзін-өзі ұсынған үміткер де үлкен қадамға аяқ басқандығын, ел басқару аса ықтияттылықты талап ететінін сезіне білу маңызды. Бәріміз де өз таңдауымызды жасап, елдің көсегесін көгертемін деген үміткерге дауыс беріп барамыз,- деді ол.

Сайлау учаскесінде 2 байқаушы, 1 сенімді өкіл қатысып, сайлау үрдісін назарға алып отыр.

Алмас ҚАБДОЛОВ

Бұл туралы Атырау облысының өңірлік коммуникациялар қызметі хабарлайды.

Жұлдыз ықшамауданы:
⠀
Жұлдыз ықшамауданы бойынша сағат 7:00-де №39 мектеп алдынан №6, №34, №47 көшелері арқылы өтіп, №22 көшемен №39 мектепке тасымалдайды.
⠀
Жұлдыз-3 ықшамауданы:
⠀
Қоғамдық көлік сағат 7:00 ден бастап, Жұлдыз ықшамауданы бойынша №10, №14, №5, №19, №7 көшелерімен бойлап, Жұлдыз ықшамауданының №22 көшесімен №39 мектепке  әкеледі.
⠀
Көктем ықшамауданы:
⠀
Көктем ықшамауданы бойынша сағат 7:00-ден, №12, №6, №21, №1, №17 көшелер арқылы Атырау-Индер трассасымен Томарлы мәдениет үйіне жеткізеді.
⠀
Талғайраң-2 ықшамауданы:
⠀
Сағат 7:30-дан бастап қоғамдық көлік Талғайраң-2 бойынша №3, №10, №14, №12, №13 қиылыстан сайлаушыларды жинап, Талғайраң негізгі мектебіне тасымалдайды.