Қырғызстанның шекара қызметі Тәжікстанмен шекарадағы шиеленіске байланысты қызметтін күшейтті.
Көрші елдің азаматтары қырғыздардың көліктеріне тас лақтырған, жауап ретінде қырғыз шекарашысы оқ атқан, деп хабарлайды РИА Новостиге сілтеме беріп Stan.kz ақпарат агенттігі.
Қырғыз шекарашыларының мәліметінше, сенбі күні Тәжікстанның әскери күштері Қырғыз бөгеті мен Мақсат ауылдарына қарама-қарсы шекара маңында жиналып, шекара бекеттерінің бірінде тәжік әскери күштері мина орнатқан. Көп ұзамай шекаралас аймақта Эки-Таш аймағында атыс болды. Тәжікстан азаматтары қақтығысты тоқтату үшін қырғызстандықтардың көліктеріне тас лақтырып, қырғыз шекарашысы оқ атуға мәжбүр болды.
“Оқиға орын алғаннан кейін Қырғызстан мен Тәжікстан шекара заставалары басшыларының кездесуі болды, олар жағдайды тұрақтандыру мақсатында қосымша шекара нарядтарын шығарды. Тәжік тарапы оқиғаға қатысы бар адамдарды іздестіріп жатқанын хабарлады. Мемлекеттік шекараның осы учаскесі қызмет атқарудың күшейтілген нұсқасына ауыстырылды”, – деп мәлімдеді ведомство өкілі.
Қазір жағдай салыстырмалы түрде тұрақты деген хабар келген.
Қырғызстанның ұлттық қауіпсіздік мемлекеттік комитеті осы учаскедегі жағдайды қадағалайды және бақылайды”, – деп атап өтті ведомствода.
Қырғызстан мен Тәжікстан шекарасы ара-тұра екі елдің жергілікті тұрғындары мен шекарашылары арасындағы қақтығыс аймағына айналып отырады. Мұның себебі мемлекеттер арасындағы шекараның дұрыс белгіленбеуі, шекараның қалай бөлінгенін нақтылай алмауынан.
