АТЫРАУДА АУАҒА БЕЛГІСІЗ ЗАТ ШАШҚАН ҰШАҚ ТУРАЛЫ АЙТЫЛДЫ

Авиация мамандары бұл жағдайға қатысты өз пікірлерін білдірді, деп хабарлайды Атырау облысының коммуникациялар қызметі.

Әлеуметтік желілерде Атырау әуежайынан ұшқан әуе кемесінің видеосы жарияланған болатын. Онда ұшақ артынан шыққан қара түтінді байқауға болады. Жергілікті әуежайдың инженерлі-авиациялық қызметінің бастығы Андрей Кимнің айтуынша, кеше түстен кейінгі уақытта әуежайдан АН-12 жүк ұшағы ұшқан.

–         Ұшу режимінде қоспаның әдеттегі байытылуы орын алып, соның нәтижесінде түтін  пайда болған. Бұл қалыпты жағдай. Кеңестік өндірістің барлық дерлік ұшағы осындай әсер береді. Ұшақ биіктіктегі номиналды режимге түскеннен кейін, қара түтін жоғалады. Сондықтан алаңдайтын себеп жоқ, – деді Андрей Ким.