Атырауда жүргізушілер жазаланды

Атырауда жаңа заң бойынша жеті жүргізуші куәліктерінен айырылды.

Олар көлікті мас күйінде басқарып, ӘҚБтК 608-бабының 1-бөлігімен көзделген құқық бұзушылықты жасаған.

«Сот қаулыларымен 7 құқық бұзушы да заңнаманың жаңа талабына сәйкес әкімшілік құқық бұзушылық жасағаны үшін кінәлі деп танылып, оларға 7 жыл мерзімге көлік құралын басқару құқығынан айыра отырып, 15 тәулік  мерзімге әкімшілік қамаққа алу жазасы тағайындалды», – депті облыстық әкімшілік сотының баспасөз қызметі.