Көптоғайдағы жағдайға қатысты Құрманғазы ауданының әкімі Марат Мурзиев шұғыл түсінік берді, деп хабарлайды Depti.kz тілшісі.
“Шекаралық қоршау елдімекен ішіне кірмейді. Сондықтан тұрғындарға мал жаюға, егін суаруға мүмкіндік қарастырылған. Бұған ешқандай кедергі жоқ. Алаңдауға негіз жоқ” деп түсіндірді аудан әкімі өзінің бейнеүндеуінде.
Атырау облысының полицейлері Құлсарыдағы көппәтерлі үйлердің бірінен жаңа туған нәресте мен үш баланы шығарды, деп хабарлайды Depti.kz тілшісі.
Бұл туралы ҚР ІІМ ресми өкілі Нұрділдә Ораз онлайн брифингте айтып берді.
Өрт туралы хабар аудандық полиция бөліміне таңертең түскен. Оқиға орнына патрульдік қызметкерлер аттанған.
«Полицейлер келгенде үй іші қою түтінге толған еді, сондықтан қызметкерлер өрт сөндірушілердің келуін күтпей, тұрғындарды эвакуациялай бастады. Пәтерлердің бірінде тартпалы төбе астындағы сымдардың қысқа тұйықталуынан түтін басталған және ауаға улы түтін тарай бастаған. Мұнда аздаған желдің өзі үлкен бөлмеде өрт шығаруы мүмкін еді» деді Нұрділдә Ораз.
Төрт полицей таза ауа жұту үшін кезек-кезек көшеге шығып, қайтадан кірген. Олар жаңа туған нәресте мен 4, 5 және 6 жастағы үш баланы алып шыққан және қарттарға үйден шығуға көмектесті.
«Содан кейін полицейлер барлық пәтерлерді бірнеше рет тексеріп, ешкім қалмағанына көз жеткізді. Дәрігерлер құтқарылған тұрғындарды тексерді, олардың ешқайсысына медициналық көмек қажет болмады. Кейін өрт сөндірушілер өрт ошағын жойды» деді Нұрділдә Ораз.
Атырау облысының бас мемлекеттік санитария дәрігері Мәдениет Танауовтың жаңа қаулысына сәйкес, жексенбіде қоғамдық көліктердің қозғалысына тыйым салынып отыр, деп хабарлайды Depti.kz тілшісі.
17 сәуірде заңды күшіне енген Қаулыға сәйкес, қаладағы қоғамдық көлік қозғалысына жұмыс күндері және сенбіде штаттық кестемен рұқсат беріліп отыр. Ал, жексенбіде қоғамдық көліктер қозғалысына тыйым салынған.
«Қарбалас кезде қоғамдық көлік желіде максималды шығуы керек, қоғамдық көліктің толтырылуы отырғызу орындары бойынша болуы тиіс. Көлік барлық есігін ашуы керек, жолаушыларға қолжетімді жерлерге антисептик құйылған санитайзер орнатылуы, бетперде кимеген жолаушыларды кіргізілмеуі тиіс» делінген қаулыда.
Атырау облысында карантин ережелерін елемеген бильярд клубы анықталды, деп хабарлайды Depti.kz тілшісі.
Облыстық полиция департаментінің бөлім басшысы Мейірім Ердәулеттің айтуынша, 9 сәуір күні Қызылқоға аудандық полиция бөлімінің қызметкерлері аудан әкімдігі мамандарынан құрылған мониторинг топпен тексеріс кезінде Миялы ауылы Т.Әубәкіров көшесінде орналасқан «КарБор» бильярд клубын анықтады. Оның ішінде жиырмаға жуық қонақ болған.
Анықталған деректерге қатысты жинақталған іс-құжаттар Қызылқоға аудандық санитариялық-эпидемиологиялық басқармасына жолданатын болады.
Бұл бағыттағы жұмыстар жалғасуда.
Бұл туралы Атырау облысы полиция департаменті хабарлады.
2021 жылдың 6 ақпанында үйінен белгісіз бағытқа шығып оралмай іздеу жарияланған Наурыз Айтекешовтың мүрдесі 17 сәуір күні сағат 13:00 шамасында Атырау-Индер тас жолы бойында Талқайран елдімекеніне қарасты шаруа қожалығының контейнерінің ішінен табылды.
Мүрдені қарау кезінде дене жарақаты көрінген жоқ. Мүрде АОМ-ға тапсырылды.
Сарапшылар халықтың жан басына шаққандағы орташа табысы көрсетілген статистиканы зерттеп, еліміздің оңтүстік өңірлеріндегі ең төменгі жалақы 100 мың теңгеге жетпейтінін анықтады. Бұл туралы Ranking.kz хабарлайды.
Халықтың жан басына шаққандағы орташа атаулы ақшалай табысы 2020 жылдың төртінші тоқсанында 125,4 мың теңге болды. Бұл 2019 жылмен салыстырғанда 12,9 пайызға артық.
Нақты мәнде тауарлар мен көрсетілген қызметтер бағасын ескерсе, халықтың табысы 5,2 пайызға өскен.
Өңірлерде жан басына шаққандағы орташа атаулы ақшалай табыс 2020 жылдың төртінші тоқсанында Түркістан облысында 65,9 мың теңгеден Атырау облысында 230,2 мың теңгеге дейін құбылғаны байқалады. Бұл ретте нақты мәнде Атырау облысында кірістер екі пайызға азайса, Түркістан облысында 7,4 пайызға артқан.
Жалпы алғанда, республика бойынша жан басына шаққандағы ең төменгі атаулы ақшалай табыс көрсеткіші оңтүстік өңірлерде 100 мың теңгеден аспайды. Түркістан облысынан кейін Шымкент қаласы (79,1 мың теңге), Жамбыл (86,5 мың теңге), Алматы (90,7 мың теңге) және Қызылорда (91,2 мың теңге) облыстары.
Жан басына шаққанда ең жоғары атаулы табыс Атырау облысынан басқа, Нұр-Сұлтанда (192,9 мың теңге) және Алматыда (185 мың теңге) тіркелген.
Атырау облысынан басқа, халықтың жан басына шаққандағы орташа табысы нақты мәнде Шымкентте (-3,3 пайыз) және Батыс Қазақстан облысында (-5,1 пайыз) азайған.
Ақпанда халықтың орта есеппен жан басына шаққандағы атаулы ақшалай табысы 122,4 мың теңге болды. Бұл 2020 жылғы ақпанмен салыстырғанда 11 пайызға артық және 2021 жылғы қаңтармен салыстырғанда тек 0,1 пайызға артқан.
Өңірде халықты covid-19-ға қарсы жаппай вакцинациялау жалғасуда, деп хабарлайды Атырау облысы Денсаулық сақтау басқармасының баспасөз қызметі.
18 сәуірдегі мәлімет бойынша, Спутник V вакцинасының I компонентін 535 жергілікті тұрғын алды.
1 ақпан мен 18 сәуір аралығында «Спутник V» I компонентімен 14705 адам вакцинацияланды. II компонентпен 3291 адам егілді.
Естеріңізге сала кетейік, 3 сәуірде Атырау облысында халықты жаппай вакцинациялау басталды. Атырау облысының әрбір тұрғыны коронавирус инфекциясына қарсы өз еркімен екпе ала алады. Ол үшін тіркелген жері бойынша емханаға өтінішпен бару қажет. 2021 жылдың 1 ақпанынан бастап облысқа «Спутник V» вакцинасының 15 200 мың дозасы келіп түсті.
Фтизиопульманологиялық орталықта коронавирустық инфекциямен жаңадан түскен науқастар үшін 75 төсек-орынға арналған инфекциялық стационар ашылды, деп хабарлайды Атырау облысы Денсаулық сақтау басқармасының баспасөз қызметі.
Жүктеме 28,2% (2068 төсекке) құрайды:
– үй жағдайында 1068 адам ем алуда;
– модульдік ауруханада-181 науқас;
– облыстық аурухананың инфекциялық стационарында-101 ;
– фтизиопульмалогиялық орталықта-25 ;
– аудандық инфекциялық стационарларда – 130;
– Теңіз кен орнындағы инфекциялық стационарда-147 науқас ем алуда.
Жансақтау бөлімінде 27 науқас жатыр, олардың 5-еуі өкпені жасанды желдету аппараттарына қосылған. Жүктеме 33,3% (81 төсекке) құрайды.
Оның ішінде вирус анықталған 76 адам – Атырау қаласының тұрғындары. Инфекция жұқтырған 19 адам – Теңіз кенішінің жұмысшылары.
«Соңғы тәулікте Жылыой ауданынан 1, Индер ауданынан 7, Құрманғазы ауданынан 4, Исатай ауданынан 2, Мақат ауданынан 1 тұрғыннан инфекция расталды» делінген Атырау облысы денсаулық сақтау басқармасы таратқан мәліметте.
Қазіргі таңда 44 науқаста инфекция симптомды түрде өтуде. Өткен тәулікте 25 адам коронавирустан сауығып шықты.
Коронавирус инфекциясының таралу жылдамдығына байланысты, Атырау «қызыл аймақта» қалып отыр.
Бұл туралы ҚР Ұлттық қауіпсіздік комитеті Шекара қызметінің Атырау облысы бойынша департаментінің баспасөз-қызметі мәлімдеді.
Атырау облысы, Құрманғазы ауданы, Көптоғай ауылында орын алып жатқан жағдайға түсінік берген ҚР Ұлттық қауіпсіздік комитеті Шекара қызметінің Атырау облысы бойынша департаменті өкілі Ардақ Әмірғалиевтің мәлімдеуінше, Қиғаш жағалауында 1995- 1996 жылы уақытша тұрғызылған шекаралық қоршауды жылжыту мәселесі жергілікті тұрғындар арасында түсініспеушілік тудырған.
Әңгіме 2005 жылғы 18 қаңтарда Мәскеуде қол қойылған “Қазақстан-Ресей мемлекеттік шекарасы туралы келісіміне” байланысты туындап отыр.
«Демаркация бір жылда бітпейтін ұзақ мерзімді процесс, қазіргі таңда ол жұмыстар аяқталған жоқ. Демаркация кезінде өткен жылы қазақстандық және ресейлік жұмыс тобы 1995- 1996 жылы уақытша тұрғызылған шекаралық қоршаудың Ресей Федерациясына тиесілі территорияда орналасқанын анықтаған еді.
Қоршаудың шамамен ұзындығы 1500 метр, тереңдігі 10-70 метр аралығында (жарты арал іспетті). 2005 жылғы 18 қаңтардағы екі ел арасындағы келісімге сәйкес, қоршау тиесілі орында орнатылуы үшін, оны қазақстандық территорияға қарай жылжыту қажет. Қазақстандық шекарашылар күні бүгінге дейін осы мәселемен айналысып келді.
Алайда, жергілікті тұрғындар жағдайды басқаша қабылдап, шекарашылар орнатып жатқан қоршауға қарсылық білдіріп отыр.
Мәселе екі мемлекет арасында келісілген нормативтік құжатта көрсетілген қоршауға байланысты болып отыр. Және қоршау ұзындығы 1500 метр учаскеге байланысты. Бұл жерде қазақстандық территорияны Ресейге беру деген мәселе жоқ» деп нақтылады спикер.
Оның үстіне, егер, аталған учаске шаруашылық немесе басқа мақсаттағы жер болса, демаркация процесінде мұндай мәселені екіжақты келісім арқылы шешуге болады. Халықаралық қатынастарда бұл кеңінен тараған тәжірибе, ол үшін белгілі бір құқықтық процедураларды жүзеге асыру керек. Және ол мәселелер жергілікті атқарушы органдар (әкімдік), Үкімет, Сыртқы істер министрлігі арқылы шешіледі.
19 сәуірден бастап Көптоғай селосындағы учаскеде қоршауды жылжыту жұмыстары жағдай реттелгенге дейін уақытша тоқтатылады.
Атырау және Астрахан облыстарының шекарасында шекара қоршауларын орнату жұмыстары жүргізілуде…
“Биыл 14 сәуірде Құрманғазы ауданының Көптоғай ауылында Қазақстан мен Ресей шекарасында жаңа шекаралық қоршау салу жұмыстары басталды”, деп хабарлайды Атырау облысының Өңірлік коммуникациялар қызметі.
Қазіргі уақытта 2005 жылғы 18 қаңтарда Мәскеуде қол қойылған “Қазақстан-Ресей мемлекеттік шекарасы туралы келісімі” бойынша екі ел арасында шекара белдеуі орнатылуда. Ал, демаркациялық жұмыстары әлі аяқталған жоқ.
Шекара аумағында жаңа қоршаулар тұрғызу жұмыстарын “2016” әскери бөлімі жүргізуде.
ҚР ҰҚК Шекара қызметінің өкілдері түсіндіргендей, “2013 жылдың мамыр айында орнатылған №23 және №24 шекаралық белгілер арасындағы металл қоршаулар РФ аумағына қарай 10-70 метрге аралықта орналасқан”.
Қазіргі уақытта Ресей Федерациясының аумағында орналасқан ұзындығы 1800 метр қоршауларды тұрғызу үшін инженерлік жұмыстарды Көптоғай ауылында жүргізіледі.
This material is not allowed for publication, broadcast, rewritten or redistributed. ©2021 PenciDesign. All rights reserved. Market data provided by Market.com. Powered and implemented by Web Design Solution. Legal Statement. News and Informations data provided by Example.Com
