Атырау облысында коронавирустан айығып шыққандар саны 224 адамға жетті, – деп хабарлайды Атырау облысының жедел штабы.
Жедел штабтың мәліметінше, бүгін, 23 мамыр күні инфекциялық стационардан 17 адам шығарылған.
Олардың он алтысы – Теңіз кенішнің қызметкерлері. Атап айтқанда, 14 ер адам мен екі әйел.
- Ал, коронавирустан сауығып шыққан он жетінші адам – облыстық перинаталдық орталықтың 29 жастағы пациенті, – дейді Жедел штаб.
Олардың барлығында коронавирустың бар-жоғын анықтау үшін жасалған соңғы тест нәтижесі теріс көрсеткіш көрсеткен.
Осылайша, Атырау облысында коронавирус инфекциясынан айыққандар саны 224 адамға жетті.
