15 ҚАБАТТАН ҚҰЛАҒАН АТЫРАУЛЫҚТЫҢ ЖАҒДАЙЫ ҚАЛАЙ?

Дәрігерлер шахтаға 15 қабаттан құлаған екінші азаматтың жағдайы туралы айтты.

34 жастағы ер адам облыстық ауруханаға жеткізілді, деп хабарлайды Атырау облыстық денсаулық сақтау басқармасының баспасөз қызметі.

Қазір 1987 жылы туған науқастың жағдайы тұрақты ауыр. 4 тамызда  ота жасалды, қазір ол дәрігерлердің бақылауында реанимацияда.

Еске салайық, 4 тамызда лифт шаруашылығының екі қызметкері шахтаға 15 қабаттан құлап кеткен болатын. Өкінішке орай, жұмысшылардың бірі жедел жәрдем бригадасы келгенге дейін оқиға орнында қайтыс болды.

Әлия ЖӘМИТОВА