Ауру жұқтырғандардың 2 жағдайы Атырау қаласынан тіркелді. Олар коронавирус инфекциясын жұқтырған адаммен қарым-қатынаста болған. Бұл туралы Мемлекеттік комиссияның шұғыл штабы хабарлайды.
Науқастардан зертханалық сынамалар алынып, ПТР диагностикалық зерттеу нәтижелері бойынша COVID-19 диагнозы анықталды.
Қазіргі таңда науқастар жұқпалы аурулар ауруханасына жатқызылды. Екі науқастың да жағдайы қазір қанағаттанарлық,бекітілген хаттамаға сәйкес ем алуда.
Ауру ошақтарында эпидзерттеу жұмыстары, дезинфекциялық жұмыстар жүргізілуде.
10.04.2020 күнгі жағдай бойынша аймақта COVID-19 коронавирустық инфекцияға шалдыққан 47 адам бар.
