Қазақстандықтардың коронавирустық инфекцияға қарсы вакцинаның үшінші дозасын алу 2021 жылғы 1 қазанда, яғни елімізде егу науқаны басталғаннан кейін тоғыз айдан соң басталуы мүмкін, деп хабарлады Денсаулық сақтау министрі Алексей Цой CORONAVIRUS2020.KZ Telegram-каналында жарияланған видеода.
Денсаулық сақтау министрлігі басшысының айтуынша, Қазақстанда ревакцинация мерзімі елімізде азаматтарды иммундаудың қашан басталғандығына байланысты.
«Бізде ревакцинация жоспарлануда, қазір біз де өз тәсілдерімізді анықтаймыз. Екі түрлі ревакцинация бар. Жалпы ұжымдық иммунитетті алуға арналған ревакцинация және жоспарланған ревакцинация бар, яғни ол әдетте жылына бір рет жасалады. Біз қазір бөліп жатырмыз, өйткені Қазақстан сәл кешірек, ақпаннан бастап және одан әрі вакцинациялана бастады. Негізгі масса маусым-шілде айларында егілді, сондықтан бізде жаңа антиденелер бар, олардың деңгейі жоғары», – деді министр.
Коронавирустық вакцина вакцинация күнтізбесіне препараттың екінші дозасын алған күннен бастап тоғыз айдан кейін кіреді.
Министрдің айтуынша, қазір ревакцинация мәселесі вакциналау өткен жылы басталған елдерде ғана қарастырылуда.
