САРАПТАМА
«Барсы Атырау» баскетбол клубы – чемпион!
Қаңтардың 5-і мен 11-і аралығында Щучинск қаласында баскетболдан жасөспірімдер арасында чемпионат өткен болатын. Өңірімізден «Барсы Атырау» клубынан 2004-2005 жылғылар мен 2006-2007 жылы туылған жасөспірімдер қатысты. Екі команда да жеңіске жетіп, чемпион атанды.
«Қазіргі таңда 2004-2005 жылғылар Санкт-Петербургке Еуропалық жасөспірімдер арасындағы баскетболдың екінші кезеңіне қатысу үшін аттанып кетті. Ол жақтағы жарыс 18-19-20 қаңтар күндері өтетін болады» – депті жаттықтырушы Анатолий Лысяк.
Айта кетейік, чемпионаттың ең үздік ойыншысы болып жерлестеріміз Михаил Миранов пен Әлишер Мұратұлы танылды.