“Дикий Арман” екі айға қамалды
!["Дикий Арман" екі айға қамалды 1 news full164189668497c8306c7c2782c36067d9a1c0a11765](https://depti.kz/wp-content/uploads/2022/01/news_full164189668497c8306c7c2782c36067d9a1c0a11765.jpg)
Жуырда Алматыда арнайы операция барысында ұсталған Арман Жұмагелдиев сот шешімімен 2 айға қамауға алынды.
Бұл туралы Нұр-Сұлтан қалалық сотының баспасөз қызметі мәлімдеді.
“Нұр-Сұлтан қаласы мамандандырылған ауданаралық тергеу соты күдікті Арман Жұмагелдиевке қатысты 2 ай мерзімге қамауда ұстау түрінде бұлтартпау шарасын санкциялады”, – делінген хабарламада.
Сотқа дейінгі тергеудің өзге мәліметтері ҚПК 201-бабына сәйкес жария етілмейді.
Еске салсақ, 7 қаңтарда Алматыдағы арнайы операция барысында “Дикий Арман” бастаған ұйымдасқан қылмыстық топтың алты мүшесі ұсталғаны хабарланды.
Қылмыскерлерден түрлі марка мен калибрлі 4 жартылай автоматты тапанша, оқ-дәрі, суық қару мен броньдалған көлік тәркіленді. “Дикий Арманды” ұстау сәтінің суреттері жарияланды. Оларға қарағанда ұстау операциясы қонақүйлердің бірінде болған.