Сарбаздардың атынан несие алған командирге сот үкімі шықты
Семей гарнизонының әскери соты сарбаздардың атына несие рәсімдеген әскери қызметшіге қатысты үкім шығарды.
Ішкі істер министрлігіне қарасты Шығыс өңірлік әскери-тергеу басқармасының мәліметіне сүйенсек, қыркүйек айының соңында Қарулы күштері жоғарғы кеңесінің қалалық департаменті рота командиріне қатысты «қылмыстық құқық бұзушылық белгілері» бойынша сотқа дейінгі тергеуді аяқтаған. Тергеу барысында айыпталушының ұзақ уақыт бойы өзінің лауазымын асыра пайдаланып, сарбаздардың атына несие алып келгені анықталды.
Несиенің жалпы сомасы екі миллион теңгеден асқан. Сонымен қатар, ол 17 сарбаздың жалпы сомасы жүз мың теңгеден асатын жалақысын да иемденіп алған..
«Офицер сол ақшаның барлығын букмекерлік кеңседе бәс тігіп, ұтылып қалған. Іс жүріп жатқан кезде әскерге шақырылушыларға келтірілген материалдық шығын өтелді. Соған қарамастан, Семей гарнизоны әскери сотының үкімімен офицер кінәлі деп танылып, үш жылға бас бостандығынан айырылды. Рота командирінің тегі мен әскери бөлімнің нөмірі үкім заңды күшіне енгенге дейін жарияланбайды», — делінген хабарламада.»
«Express Qazaqstan»
