ШҰҒЫЛ: Қарағандыда бүгін орын алған апаттан 6 адам көз жұмды…

4ed58050 e8b9 4c0c a88c 8142e5924836 w408 r1 s

7 қараша күні сағат 08.37-де Абай қаласындағы «АрселорМиттал Теміртау» АҚ Абай КД шахтасында желдеткіш Штрек 3-К10 түбінде метан газының кенеттен шығуы орын алды, деп хабарлайды Depti.kz тілшісі.

Бұл туралы ҚР ТЖМ баспасөз қызметі мәлім етті.

Шахтада барлығы 64 жұмысшы болды. 56 адам бірден өзін-өзі эвакуациялады.

Оқиға орнында қалған 8 қызметкердің 6-ауы қайтыс болды, 2-еуі жарақат алды (ақпарат анықталуда). Қазіргі уақытта оларды шахтадан шығарып алу жұмыстары жүргізілуде. Өндіріс процесі тоқтатылды.

ТЖ-ны жоюға «КӘАҚҚ республикалық орталық штабы» ЖШС ҚФ (15 қызметкер), ТЖД (3 қызметкер және 2 бірлік техника), Апаттар медицинасы орталығы филиалының (3 қызметкер және 1 бірлік техника) күштері мен құралдары жұмылдырылды.

Оқиғаның мән-жайы мен себептері анықталуда.

Қазақстан Республикасының Премьер-Министрі Асқар Маминнің тапсырмасы бойынша оқиға орнына Төтенше жағдайлар министрі Юрий Ильин бастаған комиссия бара жатыр.

Бізді әлеуметтік желілерде бөлісіңіз: