4 қаңтар күні сағат 10:00 шамасында Жаңаөзендегі сауда орталығының атвотұрағында тұрған Toyota Camry автокөлігінен 44 жастағы ер адамның мәйіті табылды, деп хабарлайды LADA.kz.
Облыстық жедел жәрдем станциясының хабарлауынша, мәйітті сауда ойын-сауық кешенінің күзетшілері тапқан. Олардың айтуынша, көлік бірнеше күн бойы сауда орталығы ғимаратының жанында тұрған.
Облыстық полицияның баспасөз қызметінен хабарлағандай, Жаңаөзен қалалық полиция бөлімі тергеу жұмыстарын бастаған.
– Сот-медициналық сараптама жүргізілуде. Айта кетейік, ер адамның денесінен зорлық-зомбылық ізі табылған жоқ,- деп атап өтті департаменттің баспасөз қызметі.