АТЫРАУДА
АТЫРАУЛЫҚ ЕРІКТІЛЕР МАСКА ТІГІП, ОНЫ ТЕГІН ТАРАТУДА
![АТЫРАУЛЫҚ ЕРІКТІЛЕР МАСКА ТІГІП, ОНЫ ТЕГІН ТАРАТУДА 1 82cebf69 346c 4f54 8b6c 239e620683a4](https://depti.kz/wp-content/uploads/2020/03/82cebf69-346c-4f54-8b6c-239e620683a4.jpg)
Атырау облысында медициналық маска тапшы. Осыған орай, «Assyl collection» брендінің негізін қалаушы Асыл Дюзбаева ерекше челлендж бастады.
Ол медициналық маска тігіп, әлеуметтік аз қамтылған отбасыларға тарату үстінде.
«Қазіргі таңда елімізде болып жатқан жағдайларға байланысты ерікті түрде маскалар тігіп жатырмын. Бұл істі әр адам өзінен бастау керек. Егер үйіңізде тігін машинасы болса, маскаларды тігіп, қарттарға, жағдайы төмен отбасыларға тегін беріңіз. Егер тігін машинаңыз болмаса, менің ательеме келіңіз. Осы челленджді барлық тігінші қыздарға жолдаймын», – дейді тігінші Асыл Дюзбаева.
![АТЫРАУЛЫҚ ЕРІКТІЛЕР МАСКА ТІГІП, ОНЫ ТЕГІН ТАРАТУДА 2 a0700341 4fe1 4bf6 9b82 75eccac6f633](https://depti.kz/wp-content/uploads/2020/03/a0700341-4fe1-4bf6-9b82-75eccac6f633-768x1024.jpg)
Сондай-ақ, қарапайым жандар да бұл маскаларды сатып алады. Одан түскен қаржы қоғамдық қорларға аударылмақ.