АТЫРАУДА МЕДИЦИНАЛЫҚ МАСКАНЫ ЗАҢСЫЗ САТҚАНДАР ҰСТАЛДЫ

ҚР ҚМ Қаржы мониторингі комитетінің Атырау облысы бойынша экономикалық тергеу департаменті жедел-іздестіру шаралары кезінде заңсыз кәсіпкерлік қызмет фактісін анықтады. Бұл жайында depti.kz тілшісіне облыстық экономикалық тергеу департаментінің баспасөз қызметі хабарлады.

«Төтенше жағдай кезінде Атырау қаласында бір топ адам жалпы құны 313 млн теңге болатын 1 млн медициналық масканы сатумен айналысқан. Алайда, олардың қолында масканың заңды жасалғанын дәлелдейтін құжат болмаған. Бұл факт бойынша сотқа дейінгі тергеу басталды» – деді экономикалық тергеу департаментінің баспасөз қызметі.