АТЫРАУДАҒЫ ӨРТЕНГЕН ҮЙДІҢ ҚАЗІРГІ ЖАҒДАЙЫ ҚАЛАЙ?

Атырауда Махамбет көшесі 121 үйден өрт шыққан болатын. Тілсіз жаудың неден шыққаны әзірге белгісіз. Ал қалалық тұрғын үй инспекциясы бөлімінің басшысы Қайрат Хабиевтің айтуынша, өрт кезінде бесінші қабаттағы екі пәтер зардап шекті, енді демеушілік көмек арқылы қалпына келтірілуде.

«Өрт болғаннан кейін электр желілері суға малынды. Кептіру жұмыстарын жүргізіп, келесі күні жарықты қостық. Газ бен су тартылды. Өрттен басқа пәтерлерге келтірілген шығындар анықталды. Үш күннің ішінде бұл үйдегі жағдайлар реттелді. Енді қазір үйдің төбесі демеушілердің көмегімен төселуде», – дейді Хабиев Қайрат.