Атыраулық әуесқой балықшылар үшін бірқатар тыйым жойылды
Өзгеріс мұз қату кезінде, сондай-ақ қараңғыда әуесқой балық аулауға тыйым салынатын екі күнге қатысты (сейсенбі, сәрсенбі). Бұл туралы CaspianLife редакциясына Жайық-Каспий облысаралық бассейндік балық шаруашылығы инспекциясының (ЖКМБИРХ) ресми өкілі Олег Тушканов айтып берді.
Оның айтуынша, тамыз айының басында ҚР экология, геология және табиғи ресурстар министрлігі Балық шаруашылығы комитетінің төрағасы Нариман Жүнісов бұрын қолданыста болған бұйрықтарда болған кейбір өзгерістерді қарастыратын бұйрыққа қол қойған. 2021 жылғы 3 тамыздағы N 30-4-8/77 бұйрықта Атырау облысында көктемгі балық уылдырық шашу кезінде Жайық (Орал) өзені бойынша спорттық-әуесқойлық балық аулауға тыйым салу мерзімдерінің өзгеруі туралы көрсетілген. Жаңа бұйрыққа сәйкес, Атырау облысы шегіндегі Жайық өзенінде көктемгі уылдырық шашу кезінде 15 мамырдан 15 маусымға дейін кәсіпшілік емес аулау құралдарын қолдана отырып, балық аулауға, яғни әуесқойлық балық аулауға тыйым салынады. Ал Қиғаш өзенінде сенбі, жексенбі және мереке күндерін қоспағанда, 20 сәуірден 20 мамырға дейін тыйым салынған.
«Осы бұйрықта сейсенбі және сәрсенбі күндері қысқы уақытта, сондай-ақ тәуліктің қараңғы және түнгі уақытында спорттық-әуесқойлық балық аулауға тыйым салу пункттері жоқ. Яғни, бұған дейін қолданылған тыйымдар жойылды», — деп түсіндірді О.Тушканов.
