«Балалар қаза тапты»: Ақтаудағы автобус өртінің мән-жайы анықталды (+ВИДЕО)
Ақтауда автобус өртенді. Төтенше жағдай видеосы әлеуметтік желіде жылдам тарап кеткен.
https://www.instagram.com/p/CXQ_qgIlH77/?utm_source=ig_embed&utm_campaign=embed_video_watch_again
Авторлар өрттен адамдар қаза тапқанын, арасында балалар барын айтқан, деп хабарлайды Stan.kz ақпарат агенттігі.
Куәгерлер балаларды жанып жатқан көліктен қалай шығарғанын айтып берді.
«Автобусқа жүгіріп келгенімде, алдыңғы жағындағы капот астынан өртеніп жатыр екен. Салонда балалар отыр. Қанша екенін нақты айта алмаймын, бірақ автобустың артқы бөлігі балаларға толы болды. Жүгіріп келген адамдар балаларды шығаруға көмектесті, біз оларды бір-бірімізге беріп отырдық. Балалар шошып қалған. Әйтсе де біздің жолымыз болды, өйткені соңғы баланы шығарғаннан кейін, автобус толығымен отқа оранды», – деді Руслан есімді куәгер «Лада» басылымына.
Тағы бір куәгер де өртенген автобустың ішінде балалар болғанын мәлімдеді.
«30-ға жуық бала болды, оларды тез арада басқа автобусқа мінгізіп, алып кетті. Сосын ата-аналар келді жылап, байбалам салды. Бәлкім, олар балаларын басқа автобусқа отырғызғанын білмеген шығар», – дейді екінші куәгер.
Ақтау әкімдігі жанған автобуста жолаушылар қаза болғаны жайлы ақпарат фейк екенін мәлімдеді.
Ведомство ТЖ 9 желтоқсан 17:31-де қаланың 1-ші шағын ауданында болғанын растады. ПАЗ-320530 автобусы өртенген. Бірақ әкімдік құтқарылған балалар жайлы ештеңеге хабарлаған жоқ.
Ведомство өрт сөндірушілер келгенде автобус салонында жолаушылар болмағанын, көз жұмғандар мен зардап шеккендер жоқ екенін атап өтті. Өрт 17:43-те сөндірілді. Оқиғаның себебі анықталып жатыр.
