ЕКІ ҚАЗАҚСТАНДЫҚТАН КОРОНАВИРУС АНЫҚТАЛДЫ

Екі Қазақстан азаматынан коронваирус дерті анықталды. Олар Германия елінен келген.
«Өздеріңіз білесіздер, біз үш айдан бері коронавируспен күресіп жатырмыз. Оның алдын алу үшін барлық шараларды қолдандық. Бүгін бізге Германиядан келген екі азаматтан оң нәтиже алынды. Біреуі елімізге 9-ы, екіншісі 12-сі күні келген. Науқастар Алматы қалалық жұқпалы аурулар станционарына орналастырылды, барлық қажетті шаралар қабылдануда»,- depti денсаулық сақтау министрі Елжан Біртанов.
Бұған дейін еліміздің бас санитарлық дәрігері Жандарбек Бекшин коронавирус Қазақстанға наурыздың 11-16 аралығында келу ықтималдығы жоғары екендігін айтқан болатын.
Айта кетейік, бүгінгі күнгі ақпар бойынша коронавирус әлемнің 100-ден астам еліне тарап, 130 мыңға жуық адамға жұққан.