0
Президент Жарлығымен биылғы Паралимпиада чемпиондары бірқатар ордендермен марапатталды. Олардың қатарында атыраулық спортшылар да бар, деп хабарлайды Атырау облысының өңірлік коммуникациялар қызметі.
Бұл туралы Мемлекет басшысы Қасым – Жомарт Тоқаевтың Жарлығы жарияланды.
Қазақстан Республикасының мемлекеттік наградаларымен наградтау туралы Жарлыққа сәйкес, Токио-2020 ХVI Жазғы Паралимпиада ойындарындағы аса үздік спорттық жетістіктері үшін
ІІІ дәрежелі «Барыс» орденімен Дегтярев Давид Мамиевич, «Парасат» орденімен Байбатина Зарина Боранбайқызы, Дәулет Теміржан Серікұлы, Сариев Ануар Берікұлы наградталды. «Құрмет» орденімен Жұмағали Нұрдәулет Мақсұтұлы марапатталды.
