Биыл Атырау қаласында үлкен футболдан бөлек қала аттас кіші футбол командасы құрылған болатын. Бұл кәсіби футзалдың қаламызға араға көп жылдар салып оралуы. Құрамында жергілікті ойыншылардың үлесі басым команда Қазақстан премьер-лигасындағы жарысын бастап кетті.
Әп дегеннен аяқ алысы сәтті болып, өз алаңында өткізген 4 кездесудің барлығында жеңіске жетті. Желтоқсан айында Көкшетаулық «Оқжетпесті» қатарынан екі рет тізе бүктірсе, өткен демалыс күндері Оралдық «Бәйтеректен» айласын асырды.
Облысымызда 70-тен астам әуесқой команда бірнеше лигаларға бөлініп, өзара бәсекеге түсуде.
P.S. Кіші футболдан еліміздің ұлттық құрамасы Чехия елінде әлем біріншілігіне іріктеу ойынддарын өткізуде. Өкінішке орай алғашқы кездесуінде Румыния құрамасынан 1:3 есебімен жеңіліс тапты. Топтағы 4 команданың бірінші орын алғаны әлемдік доп додасына тікелей жолдама алса, кейінгісі плей-офф ойындарына қатысады.
