«Науқас 25 жастағы жергілікті тұрғын болып шықты», – деп хабарлайды Атырау облысындағы Төтенше жағдайды қалыптастыру жөніндегі шұғыл штаб.
Атырау облысы Денсаулық сақтау басқармасының мәліметінше, 1995 жылы туған ер адам инфекциондық стационарға жатқызылды. Қазіргі таңда қауіпті дертке шалдыққан емделушімен тығыз қарым-қатынаста болғандар анықталып, оқшауланды.
Вирус ошағы зарарсыздандырылды. Науқасқа бекітілген бірегей хаттама бойынша ем-шара тағайындалды.
Еске сала кетелік, қазіргі таңда Covid-19 қауіпті вирусына шалдыққан атыраулықтар саны 71 адамға жетіп отыр. Коронавирустан Атырауда 15 адам жазылып шықты.