АЙМАҚТА 54,7 МЫҢ ГЕКТАР ЖЕР ИГЕРІЛМЕЙ ҚАЛҒАН

2019 жылы түгендеу жұмыстарының нәтижесінде облыста ауыл шаруашылығы мақсатындағы 54,7 мың гектар жердің игерілмей отырғаны анықталды. Олардың 78 пайызы мемлекет меншігіне қайтарылса, 22 пайызы жергілікті атқарушы органның қарауында.

Атырау облысы жер қатынастары басқармасының басшысы Әлібек Серікқалиұлы 2018 жылы 7,7 мың га ауылшаруашылығы мақсатындағы жерлерге түгендеу жұмыстары жүргізілгендігін айтады.

Соның нәтижесінде 6,4 мың гектар мемлекетке қайтарылып алынса, 1,1 мың гектар жер иелері игере бастаған.